Feria quinta
Proba me, Deus, et cognósce sémitas meas; vide si via iniquitátis in me est, et deduc me in via ætérna.
Deus, innocéntiæ restitútor et amátor, dírige ad te tuórum corda servórum, ut, Spíritus tui fervóre concépto, et in fide inveniántur stábiles, et in ópere efficáces. Per Dóminum.
Præsénti sacrifício, quǽsumus, Dómine, observántiam nostram sanctífica, ut, quod quadragesimális exercitátio profitétur extérius, intérius operétur efféctu. Per Christum.
Præfatio de Quadragesima.
Beáti immaculáti in via, qui ámbulant in lege Dómini.
Hæc in nobis sacrifícia, Deus, et actióne permáneant, et operatióne firméntur. Per Christum.
ad libitum adhibenda
Adésto, Dómine, fámulis tuis, implorántibus grátiæ tuæ auxílium, ut protectiónis tuæ munímen et régimen obtíneant. Per Christum.