Feria quarta
Ne derelínquas me, Dómine Deus meus, ne discédas a me; inténde in adiutórium meum, Dómine, virtus salútis meæ.
Consérva, Dómine, famíliam tuam bonis semper opéribus erudítam, et sic præséntibus consoláre præsídiis, ut propítius ad supérna dona perdúcas. Per Dóminum.
Hóstias, Dómine, quas tibi offérimus, propítius intuére, et, per hæc sancta commércia, víncula peccatórum nostrórum absólve. Per Christum.
Præfatio de Quadragesima.
Fílius hóminis non venit ministrári, sed ministráre, et dare ánimam suam redemptiónem pro multis.
Quǽsumus, Dómine Deus noster, ut, quod nobis ad immortalitátis pignus esse voluísti, ad salútis ætérnæ tríbuas proveníre suffrágium. Per Christum.
ad libitum adhibenda
Præsta fámulis tuis, Dómine, abundántiam protectiónis et grátiæ, da salútem mentis et córporis, da plenitúdinem fratérnæ caritátis et eos tibi semper fac esse devótos. Per Christum.