Feria sexta
In te, Dómine, sperávi, non confúndar in ætérnum; edúces me de láqueo quem abscondérunt mihi, quóniam tu es protéctor meus.
Da, quǽsumus, omnípotens Deus, ut, sacro nos purificánte pæniténtiæ stúdio, sincéris méntibus ad sancta ventúra fácias perveníre. Per Dóminum.
Miserátio tua, Deus, ad hæc peragénda mystéria, fámulos tuos, quǽsumus, et prævéniat competénter, et devóta conversatióne perdúcat. Per Christum.
Præfatio de Quadragesima.
Diléxit nos Deus, et misit Fílium suum propitiatiónem pro peccátis nostris.
Accépto, Dómine, pígnore salútis ætérnæ, fac nos, quǽsumus, sic téndere congruénter, ut ad eam perveníre possímus. Per Christum.
ad libitum adhibenda
Da, quǽsumus, Dómine, pópulo tuo salútem mentis et córporis, ut, bonis opéribus inhæréndo, tua semper mereátur protectióne deféndi. Per Christum.