Die 24 decembris
Ad Missam matutinam
Ecce iam venit plenitúdo témporis, in quo misit Deus Fíliarum suum in terram.
Festína, quǽsumus, ne tardáveris, Dómine Iesu, ut advéntus tui consolatiónibus sublevéntur, qui in tua pietáte confídunt. Qui vivis et regnas cum Deo Patre in unitáte Spíritus Sancti, Deus, per ómnia sǽcula sæculórum.
Obláta tibi, Dómine, múnera benígnus assúme, ut eórum perceptióne expiémur a peccátis, et advéntus Fílii tui glóriam puris mereámur méntibus præstolári. Per Christum.
Præfatio II de Adventu.
Benedíctus Dóminus Deus Israel, quia visitávit et fecit redemptiónem plebi suæ.
Da nobis, Dómine, hoc dono tuo mirábili recreátis, ut, sicut adoránda Fílii tui natalícia prævenímus, sic eius múnera capiámus sempitérna gaudéntes. Qui vivit et regnat in sǽcula sæculórum.