Liturgia Latina

Attóllite, portæ, cápita vestra, et elevámini, portæ æternáles, et introíbit rex glóriæ.

Deus, qui, hóminem delápsum in mortem conspíciens, Unigéniti tui advéntu redímere voluísti, præsta, quǽsumus, ut qui húmili eius incarnatiónem devotióne faténtur, ipsíus étiam Redemptóris consórtia mereántur. Qui tecum.

In tua pietáte confidéntes, Dómine, cum munéribus ad altária veneránda concúrrimus, ut, tua purificánte nos grátia, iísdem quibus famulárum mystériis emundémur. Per Christum.

Præfatio II de Adventu.

Magníficat ánima mea Dóminum, qui fecit mihi magna qui potens est.

Róboret nos, Dómine, tui sacraménti percéptio, ut veniénti Salvatóri mereámur cum dignis opéribus obviáre, et beatitúdinis prǽmia promeréri. Per Christum.