Sancti Vincentii Pallotti, presbyteri
Super montem excélsum ascénde, tu, qui evangelízas Sion; exálta in fortitúdine vocem tuam, qui evangelízas Ierúsalem.
Deus, qui in Ecclésia tua beátum Vincéntium presbýterum, ad fidem tuéndam et caritátem fovéndam suscitásti: concéde propítius, ut eiúsdem scetántes exémpla, lumen veritátis fratrenitatísque amórem in corde exhibeámus et in ópere. Per Dóminum.
Obláta múnera, quǽsumus, Dómine, propítius réspice: ut, sicut per hæc mystéria beátum Vincéntium exímium tuæ misericórdiæ minístrum effecísti, ita nos caritáte in fratres per éadem inflammémur. Per Christum.
Magnificábitur Christus in córpore meo, sive per vitam, sive per mortem: mihi enim vívere Christus est, et mori lucrum.
Sacris mystériis reféctos, da nos, quǽsumus, Dómine, beáti Vincéntii presbýteri exémpla sectári, qui te indeféssa pietáte cóluit, et pópulo tuo imménsa prófuit caritáte. Per Christum.
Sacraménti salutáris, Dómine, pasti delíciis, tuam súpplices deprecámur pietátem, ut, sancti Vincéntii caritátis imitatóres effécti, consórtes simus et glóriæ. Per Christum.