Sancti Stanislai Kostka, religiosi
Ant. ad introitum
Sap 4, 13-14
Consummátus in brevi explévit témpora multa; plácita enim erat Deo ánima illíus, propter hoc properávit edúcere illum de médio iniquitátis.
Collecta
Deus, qui inter cétera sapiéntiæ tuæ mirácula, étiam in ténera ætáte matúræ sanctitátis grátiam contulísti: da, quǽsumus, ut sancti Stanislái exémplo, tempus instánter operándo rediméntes, in ætérnam ingrédi réquiem festinémus. Per Dóminum.