Liturgia Latina

Prot. 296/99/L

Hæc Missa adhiberi potest, cum colore albo, ubi peculiares celebratione habentur occasione Anni Sancti, exceptis sollemnitatibus, dominicis et festis, diebus infra octavam Paschæ, Commemoratione omnium Fidelium Defunctorum et feriis IV Cinerum et Hebdomadæ sanctæ.

Tempore vero Adventus, Nativitatis, Quadragesimæ et Paschæ, pro liturgia Verbi lectiones de feria de more adhibeantur.

Dómine, refúgium factus es nobis a generatióne et progénie; a sæculo, et in sǽculum tu es (T.P. allelúia).

Deus, qui in plenitúdine témporum Fílium tuum in mundum misísti Salvatórem, concéde, quǽsumus, ut ipse in hoc sǽculo peregrinántibus pascháli suo mystério ad te viam illúminet. Qui tecum.

Quæ tuis altáribus exhibémus, Dómine, hunc annum sanctum lætánter celebrántes, sint tibi munera accépta, ut ipsíus æternitátis mereámur esse consórtes, qui mortalitátem nostram sua mortalitáte curávit, Iesus Christus, Dóminus noster. Qui vivit.

℣. Dóminus vobíscum. ℟. Et cum spíritu tuo. ℣. Sursum corda. ℟. Habémus ad Dóminum. ℣. Grátias agámus Dómino Deo nostro. ℟. Dignum et iustum est.

Vere dignum et iustum est, ǽquum et salutáre, nos tibi semper et ubíque grátias ágere: Dómine, sancte Pater, omnípotens ætérne Deus: per Christum Dóminum nostrum.

Qui Fílius tuus, ante sǽcula génitus, natus est in témpore de María Vírgine, et a Spíritu Sancto unctus, in nómine tuo annum grátiæ prædicávit: consolatiónem míseris, captívis redemptiónem, toti dénique humáno géneri salútem et pacem. Ipse enim nóvitas est vera, quæ omnium excédens exspectatiónem, univérsa sǽcula irrádiat.

Et ideo, cum Sanctis et Angelis univérsis, te collaudámus, sine fine dicéntes:

Sanctus, Sanctus, Sanctus Dóminus Deus Sábaoth…

Iesus Christus heri et hódie, ipse et in sǽcula (T.P. allelúia).

Sanctíficet nos, quǽsumus, Dómine, mensæ tuæ participátio, et præsta, ut, quam Unigénitus tuus in cruce operátus est salútem, omnes gentes per Ecclésiae tuæ sacraméntum gratánter accípiant. Per Christum.

Benedícat vobis Dóminus, et custódiat vos. ℟. Amen.

Illúminet fáciem suam super vos, et misereátur vestri. ℟. Amen.

Convértat vultum suum ad vos, et donet vobis suam pacem. ℟. Amen.

Et benedíctio Dei omnipoténtis, Patris, et Filii, ✠ et Spíritus Sancti, descéndat super vos et máneat semper. ℟. Amen.

Laudem dícite Deo nostro, omnes qui timétis Deum, pusílli et magni, quia facta est salus, et virtus, et potéstas Christi eius (T.P. allelúia).

Deus, qui humáno generi per Fílium Unigénitum et salútis remédium et vitæ ætérnæ donum contulísti, concede ómnibus in ipso renátis et velle quæ prǽcipis et posse, ut pópulo ad regnum tuum vocáto una sit fides méntium et píetas actiónum. Per Dóminum.

Réspice, Dómine, in fáciem Christi tui, qui pro ómnibus redemptiónem trádidit semetípsum, ut per eum ab ortu solis usque ad occásum nomen tuum magnificétur in géntibus, et una ubíque maiestáti tuæ exhibeátur oblátio. Per Christum.

℣. Dóminus vobíscum. ℟. Et cum spíritu tuo. ℣. Sursum corda. ℟. Habémus ad Dóminum. ℣. Grátias agámus Dómino Deo nostro. ℟. Dignum et iustum est.

Vere dignum et iustum est, ǽquum et salutáre, nos tibi semper et ubíque grátias ágere: Dómine, sancte Pater, omnípotens ætérne Deus: per Christum Dóminum nostrum.

In ipso enim promissiónes tuæ adimpléntur, umbra cedit lúmini, mundus iam renovátur, et homo nova fit creatúra. Per oblatiónem sui semel in cruce factam, fílios tuos, qui erant dispérsi, vóluit in unum congregáre; et exaltátus in gloria, ad se omnes áttrahit, primogénitus in multis frátribus.

Unde et nos, Dómine, cum Angelis et Sanctis univérsis, tibi confitémur, in exultatióne dicéntes:

Sanctus, Sanctus, Sanctus Dóminus Deus Sábaoth…

Ecce ego vobíscum sum ómnibus diébus, dicit Dóminus, usque ad consummatiónem sǽculi (T.P. allelúia).

Cælésti pane roboráti, quǽsumus, Dómine, ut, Evangélio vitæ iúgiter adhæréndo, ferméntum vivíficans et salútis instruméntum humáno efficiámur consórtio. Per Christum.

Pax Dei, quæ exsúperat omnem sensum, custódiat corda vestra et intellegéntias vestras in sciéntia et caritáte Dei, et Fílii sui, Dómini nostri Iesu Christi. ℟. Amen.

Et benedíctio Dei omnipoténtis, Patris, et Filii, ✠ et Spíritus Sancti, descéndat super vos et máneat semper. ℟. Amen.

Hic proponuntur lectiones quæ momentum anni iubilai peculiariter exprimunt. Secundum traditionem liturgicam, tempore paschali Vetus Testamentum non legitur.

Is 61, 1-3a. 6a. 8b: Unixit me Dominus et evangelizare pauperibus misit me Spiritus Domini super me… 3 usque ad ad spiritu mæroris. 6 usque ad dicetur vobis. 8 Dabo upus eorum…

vel:

Eph 1, 3-14 (longior) vel: 3-10 (brevior): Deus elegit nos in Christo in laudem gloriæ gratiæ suæ Benedictus Deus et Pater Domini nostri Iesu Christi…

Ps. resp. Ps 66 (67), 2-3, 7-8 ℟ (4): Confiteantur tibi populi, Deus, confiteantur tibi populi omnes.

Cf. Ap 1, 5a. 6b: Iesu Christe, primogenite mortuorum, tibi gloria et imperium in sæcula sæculorum.

Lc 4, 16-21: «Prædicare annum Domini acceptum» In illo tempore: Venit Iesus Nazareth…

Si lectiones feriæ currentis non adhibentur, sumi etiam potest ex iis quæ sequutur:

1. Lev 25, 1. 8-17: De iubilæi antiqui celebratione Locutus est Dominus ad Moysen in monte Sinai dicens: Numerabis tbi septem hebdomadas annorum…

Ps. resp. Ps 66 (67), ut supra

2. Is 11, 1-10: Iudicabit in iustitia pauperes In die illa: Egredietur virga de stirpe Iesse

Ps. resp. Ps 71, 2. 7-8. 12-13. 17 ℟ (cf. 7): Florebit in diebus Domini abundantia pacis, in æternum.

3. Is 55, 1-11: «Venite ad me, ut vivat anima vestra» Hæc dicit Dominus: Omnes sitientes…

Ps. resp. Is 12, 2-3. 4bcd. 5-6 ℟ (3): Haurietis aquas in gaudio de fontibus salutis.

4. Tit 2, 1-14: «Apparuit gratia Dei omnibus hominibus» Carissime: Apparuit gratia Dei salutaris…

Ps. resp. Ps 36, 3-4. 18 et 23. 27 et 29 ℟ (39a): Salus iustorum a Domino est.

5. 1 Petr 2, 4-9: «Vos autem genus electum» Carissimi: Ad Dominum accedentes…

Ps. resp. Ps 99, 2. 3. 4. 5 ℟ (3c): Nos populus eius et oves pascua eius.

6. 1 Io 5, 1-9: «Spiritus et aqua et sanguis» Carissimi: Omnis, qui credit quoniam Iesus…

Ps. resp. Ps 147, 12-13. 14-16. 19-20 ℟: Lauda, Ierusalem, Dominum.

7. Ap 22, 12-14. 16. 17. 20: «Veni, Domine Iesu!» Carissimi: Omnis, qui credit quoniam Iesus…

Ps. resp. Ps 96, 1 et 2b. 6 et 7c. 9 ℟: Dominus regnavit, altissimus super omnem terram.

1. Ap 15, 3: Magna et mirabila opera tua, Domine Deus omnipotens; iusta et vera via tua, Rex gentium

2. Ap 15, 4: Omnes gentes venient, et adorabunt in conspectu tuo, Domine, quoniam iudicia tua manifestata sunt.

3. Ap 19, 5: Laudem dicite Deo nostro, omnes servi eius, et qui timetis eum, pusilli et magni.

1. Mt 5, 1-12a: «Beati!» In illo tempore: Videns Iesus turbas… 12 usque ad copiosa est in cælis.

2. Mt 28, 16-20: «Ego vobiscum sum omnibus diebus» Conclusio sancti Evangelii secundum Matthæum. In illo tempore: Undecim discipuli abierunt in Galilæam