Liturgia Latina

Prot. N. 156/20

Hæc missa celebrari potest, iuxta rubricas Missarum et Orationum pro variis necessitatibus vel ad diversa, omnibus diebus, exceptis sollemnitatibus, dominicis Adventus, Quadragesimæ et Paschæ, diebus infra octavam Paschæ, Commemoratione omnium fidelium defunctorum et feriis IV Cinerum et Hebdomadæ sanctæ.

Vere languóres nostros ipse tulit et dolóres nostros ipse portávit.

Omnípotens sempitérne Deus, in omni perículo singuláre præsídium, qui fílios tuos in tribulatióne fide supplicántes exáudis, nobis propitiáre benígnus, et præsta, quǽsumus, defúnctis réquiem ætérnam, solámen plorántibus, salútem infírmis, moriéntibus pacem, operántibus pro fratrum sanitáte robur, spíritum sapiéntiæ illis qui nos in potestáte moderántur, et ánimum ad omnes benévole accedéndi ut cuncti nomen sanctum tuum glorificáre valeámus. Per Dóminum.

Súscipe, Dómine, múnera quæ, in hodiérnis perículis, tibi offérimus, et fac, quæsumus, ut, omnipoténtia tua, in fontem sanitátis pacísque convertántur. Per Christum.

Veníte ad me, omnes, qui laborátis et oneráti estis, et ego refíciam vos, dicit Dóminus.

Protéctor in te sperántium, Deus, bénedic pópulum tuum, salva, tuére, dispóne, ut, a peccátis liber, ab hoste secúrus, in tuo semper amóre persevéret. Per Christum.

Assumi possunt lectiones Missæ In quacumque necessitate.

Lectio I
Lam 3, 17-26: «Bonum est præstolari cum silentio salutare Domini».
Repulsa est a pace anima mea…
Omissis litteris hebraicis Vau, etc. (OLM 938, n. 2)

Ps. resp.
Ps 79, 2ac et 3b. 5-7
℟ (4b): Illustra faciem tuam, Domine, et salvi erimus. (OLM 940, n. 1)

vel:

Lectio I
Rom 8, 31b-39: «Neque mors neque vita poterit nos separare a caritate Dei».
Fratres: Si Deus pro nobis… (OLM 939, n. 2)

Ps. resp.
Ps 122, 1-2a. 2bcd
℟ (3a): Miserere nostri, Domine, miserere nostri.
vel: (2cd): Oculi nostri ad Dominum, donec misereatur nostri. (OLM 940, n. 2)

℣. ante Ev. vel Alleluia
2 Cor 1, 3b-4a
Benedictus Pater misericordiarum et Deus totius consolationis, qui consolatur nos in omni tribulatione nostra. (OLM 941, n. 2)

Evang.
Mc 4, 35-41: «Qui putas est iste, quia et ventus et mare obœdiunt ei?».
In illa die, cum sero esset factum, ait Iesus discipulis suis: Transeamus… (OLM 942, n. 2)